Новік, С. Калгасы электрыфікуюцца. Гомельская праўда. – 1958. – 2 верасня.

 Калгасы электрыфікуюцца

Селянін дарэвалюцыйнага Палесся нават не мог і марыць аб электрычнасні. Сялянскія хаціны асвятляліся тады лучынай. Не было i аўтамашын, і трактараў.

I толькі. калі на ўсходзе заззяла зара Вялікага Кастрычніка. Палессе абудзілася рокатам матораў. Селянін стаў гаспадаром зямлі, гаспадаром свайго шчасця.

Да Вялікай Айчыннай вайны ў гарпасёлкѵ Ельск была пабудавана электрастанцыя магутнасцю ў 150 кілават. Заможным і культурным станавілася жыццё працоўных Ельскага раёна. Пачалася электрыфікацыя калгасных вёсак.

Але мірная стваральная праца людзей была парушана нападам на нашу краіну фашысцкіх полчышчаў. Гітлераўцы знішчылі і разграбілі калгасы, спалілі вёскі. У пасляваенныя гады працоўным равна прышлося прыкласці нямала намаганняў, каб залячыць раны, нанесеныя гітлераўскімі захопнікамі.

Ужо ў 1950 годзе гарпасёлак атрымаў электраэнергію ад Мазырскай дзяржаўнай электрастанцыі. Зараз праводзяцца лініі высокавольтавых передач на многія прамысловыя прадпрыемствы раёна — на Ельскую мэблевую фабрыку, Млынкаўскі цагельны цэх райпрамкамбіната; Дабрынскі спіртзавод ужо атрымаў электрычнаснь. Да непазнавальнасці змянілася ў апошнія гады аблічча нашых калгасных вёсак. Электрыфікаваны калгасы «Прагрэс», «Чырвоная зара», імя Жданава. У дамах калгаснікаў вёсак Дабрынь, Млынок. Данілаўка. Асавы, Багуцічы, Вішанькі, Забоззе, Камуна і іншых свецяцца лямпачкі Ільіча.

Рад калгасаў, такія, як «40 год Кастрычніка», «Прамень Кастрычніка», а таксама Скараднянская МТС маюць уласныя электрастанцыі.

У цяперашні час праводзіцца электрыфікацыя калгасаў імя Мічурына, «Бальшавік» і «Бальшавіцкі змагар». Гэтыя сельгасарцелі атрымаюць электраэнергію да 40-годдзя БССР.

Рад прадпрыемстваў гарадскога пасёлка Ельск набылі лямпы дзённага святла.

С. НОВІК

дырэктар Ельскай электрастанцыі.